Ханнык баҕарар омук эр киһитин, уол оҕотун эт-хаан өттүнэн сайдыытын, өйүн-санаатын таһымын, хайдах майгылааҕын-сигилилээҕин, туох итэҕэллээҕин, туох уратылааҕын көрөннөр норуокка сыана быһаллар. Уол оҕо төрөөтөҕүнэ: «Биһигини иитиэх-аһатыах, ааппытын ааттатыах, удьуорбутун уһатыах киһибит кэллэ!», — диэн үөрэллэрэ, киэн тутталлара. Онон, норуот кэскилэ уол оҕото төһө сайдыылааҕыттан тутулуктаах.
Уол оҕону өрө тутан, кини сайдыытыгар суолта ууран, өбүгэлэрбит үтүө үгэстэрин туһанар сыалтан “Сулусчаан” оҕону сайыннарар киин олунньу 20 күнүгэр улуустааҕы “Уол оҕо – инники кэскилбит” бырайыак чэрчитинэн 5 көрүҥҥэ күрэхтэһиилэри тэрийэн ыытта. Ол курдук “Эрбэхчэй бэргэннэр” ырыа куонкуруһугар 74, Кырачаан боотурдар оонньуулара”, спортивнай күрэххэ 13, “Үҥкүүлээ, уол оҕо!” куонкуруһагар 13, “Чыыбы-чаабы чабырҕах” күрэххэ 13, «Норуотум төрүт үгэһэ» уруһуй куонкуруһугар 58, барыта 165 уол кыттыыны ыллылар.

Эрбэхчэй бэргэннэр” ырыа куонкуруһугар Таатта улууһун 5-7 саастаах дьыссаат уолаттара бөлөҕүнэн кытыннылар. Куонкурус сыала-соруга — талааннаах уолаттары арыйыы, уол оҕону сахалыы ырыанан иитии, ырыаттан дуоһуйууну ылалларын ситиһии. Куонкуруһу Тарасов Михаил Петрович, Макаров Константин Николаевич, Павлов Василий Прокопьевич сыаналаатылар. Дьүүллүүр сүбэ ырыаһыттар ырыа матыыбын, тэтимин сөпкө тутуһуутун, музыканы таба истэн тэҥник ыллыылларын, ырыа тылын чуолкайдык толорууларын, сценическай культураны, таҥаһы-сабы көрдүлэр. Куонкуруска бөлөхтөр бииртэн биир чаҕылхай, сонун нүөмэрдэри ыллаан иһитиннэрдилэр. Түмүккэ “Көрөөччүлэр биһирэбиллэрэ” анал аат Даайа-Амматтан, салайааччы Скрыбыкина Астра Руслановна, “Ырыа куттаах уолаттар” анал аат “Туллукчаана” дьыссааттан “Хоһуун” бөлөх, салайааччы Большакова Сардана Николаевна, “Ырыаһыт бэргэннэр” анал аат “Сулусчаан” дьыссаат “Кырачаан боотурдар” бөлөх, салайааччы Дуюкова Галина Ньургустановна тигистилэр. Үһүс истиэпэннээх дипломаннарынан Уус-Таатта “Харыйачаан” дьыссаат уолаттара, салайааччы Находкина Галина Гаврильевна, иккис истиэпэннээх дипломаннарынан Харбалаахтан “Кэскил” дьыссаат “Кэскил” бөлөх уолаттара, салайааччылар Туманов Виктор Викторович, Оготоева Анастасия Никифоровна, бастакы истиэпэннээх дипломаннарынан Туора Күөл “Кэскил” дьыссаат “Эрэл” бөлөх уолаттара, салайааччы Максимова Варвара Николаевна буоллулар. Үһүс истиэпэннээх лауреаттарынан Чөркөөхтөн “Аленушка” дьыссаат “Бэргэннэр” бөлөх, салайааччы Яковлева Прасковья Васильевна, иккис уонна бастакы истиэпэннээх лауреттарынан “Сулусчаан” дьыссаат “Кырачаан хоһууннар”, “Бухатыырдар” бөлөх уолаттара, салайааччы Дуюкова Галина Нюргустановна тигистилэр. Куонкурус муҥутуур кыайыылааҕынан ГРАН ПРИ үрдүк аатын Туора Күөлтэн “Кыра тойоттор” бөлөх, салайааччы Максимова Варвара Николаевна ыллылар.

Кырачаан боотурдар оонньуулара” спортивнай күрэх сыала-соруга: уол оҕоҕо төрүт үгэһи иҥэрии, тулууру, дьулууру иитии, оҕо сымса, түргэн, күүстээх буоларын сайыннарыы, эт-хаан өттүнэн сайдыылаах оҕолору бэлиэтээн көрүү.
Уолаттар 5 көрүҥҥэ күрэхтэстилэр: сүүрүү– 20м., атах оонньуута «Куобах» (3 тохтоло суох куобахтааһын), мас тардыһыы, хапсаҕай, «Оҕус уонна чөҥөчөк» өбүгэ оонньуута.
Сүүрүүгэ, атах оонньуутугар “Куобахха” судьуйанан Варламов Альберт Николаевич, мас тардыһыытыгар Стрекаловский Петр Петрович, хапсаҕайга уонна өбүгэ оонньуутугар Попов Асам Егорович үлэлээтилэр. Түмүккэ, сүүрүүгэ 1м. – Свинобоев Алеша (Чөркөөх “Аленушка” дьыссаат, салайааччы Гуляева Анна Филипповна), 2м. – Максимов Саша (Игидэй “Теремок”, салайааччы Иванова Тамара Николаевна), 3м. – Саввин Тимур (Чымынаайы “сардаана”, салайааччы Христофорова Сусанна Тарасовна) ыллылар. Атах оонньуутугар «Куобахха» 1м. – Охлопков Айаар (Ытык Күөл “Солнышко”, салайааччы Попова Валентина Викторовна), 2м. – Максимов Саша (Игидэй “Теремок”, салайааччы Иванова Тамара Николаевна), 3м. – Собакин Костя Ытык Күөл “Сулусчаан”, салайааччы Унарова Амгалина Федотовна) тигистилэр. Мас тардыһыытыгар 1м. – Васильев Айсен (Туора-Күөл “Кэскил”, салайааччы Боярова Меланья Егоровна), 2м. — Максимов Саша (Игидэй “Теремок”, салайааччы Иванова Тамара Николаевна), 3м. — Саввин Тимур (Чымынаайы “Сардаана”, салайааччы Христофорова Сусанна Тарасовна) ыллылар. Хапсаҕайга 1м. – Неустроев Эдик (Уус-Таатта “Харыйачаан”, салайааччы Васильев Владимир Владимирович), 2м. — Максимов Саша (Игидэй “Теремок”, салайааччы Иванова Тамара Николаевна), 3м. – Мордовской Алеша (Ытык-Күөл “Чуораанчык”, салайааччы Новгородова Нюргуяна Николаевна) ылары ситистилэр. «Оҕус уонна чөҥөчөк» өбүгэ оонньуутугар 1м. — Неустроев Эдик (Уус-Таатта “Харыйачаан”, салайааччы Васильев Владимир Владимирович), 2м. — Собакин Костя (Ытык Күөл “Сулусчаан”, салайааччы Унарова Амгалина Федотовна), 3м. – Мордовской Алеша (Ытык-Күөл “Чуораанчык”, салайааччы Новгородова Нюргуяна Николаевна) тигистилэр.
Уопсай биэс көрүҥ түмүгүнэн “Муҥутуур кыайыылаах” үрдүк аатын Игидэйтэн “Теремок” дьыссаат иитиллээччитэ Максимов Саша ылары ситистэ, салайааччы Иванова Тамара Николаевна.

“Үҥкүүлээ, уол оҕо!” куонкурус сыала-соруга уол оҕоҕо төрүт үгэһи иҥэрии, үҥкүүттэн дуоһуйууну ылалларын ситиһии, талааннаах оҕолору арыйыы. Дьүүллүүр сүбэҕэ Большакова Анжелика Ивановна, Баишев Василий Советович, Токумов Роман Петрович үлэлээтилэр, үҥкүүһүттэр сыанаҕа тутта-хапта сылдьалларын, үҥкүү хамсаныыларын толорор дьоҕурдарын, музыканы таба истэн тэҥник хамсаныыларын, үҥкүү куонкурус тематыгар сөп түбэһиитин, таҥаһын-сабын сыаналаатылар. Түмүккэ, үһүс истиэпэннээх лауреаттарынан “Күнчээн” бөлөх, “Солнышко” дьыссаат, салайааччы Афанасьева Мария Юрьевна, иккис истиэпэннээх лауреаттарынан “Олоппостоох үҥкүүнэн” Уус-Таатта “Харыйачаан” дьыссаат, салайааччы Сивцева Анисья Федоровна, бастакы истиэпэннээх лауреаттарынан “Талах курдаах Таатта уолаттара” үҥкүүнэн “Березка” дьыссаат иитиллээччилэрэ, салайааччылар Алексеев Алексей Алексеевич, Никифорова Людмила Юрьевна буоллулар.

Чыыбы-чаабы чабырҕах” күрэх сыала-соруга: чабырҕаҕы харыстааһын, үйэтитии, тэнитии, чабырҕаҕы толоруу үгэстэрин үүнэр көлүөнэҕэ тиэрдии, төрөөбүт ийэ тылга тапталы иҥэрии. Дьүүллүүр сүбэҕэ Иванов Иван Федотович, Павлов Федор Иванович, Потапов Иван Иванович үлэлээтилэр, кыттааччы тыла чуолкайын, тыына уһунун, саҥарар тэтимин түргэнин, айымньы ис хоһоонун арыйыытын, толорор маастырыстыбатын (уобараһы таба арыйыыта, туттар-хаптар уратыта) сыаналаатылар. Түмүккэ, “Уһун тыыннаах чабырҕахсыттар” анал аат “Туйаара” дьыссаат иитиллээччилэрэ, салайааччы Варламова Анна Николаевна, үһүс истиэпэннээх лауреат, “Березка” дьыссаат, салайааччылар Дедюкина Елена Ивановна, Варфоломеева Анна Серафимовна, иккис истиэпэннээх лауреаттарынан “Оҕо сааспыт олоҕуттан” Уус-Таатта “Харыйачаан” дьыссаат, салайааччы Колодезникова Надежда Гаврильевна, бастакы истиэпэннээх лауреаттарынан “Кэнчээри” дьыссаат иитиллээччилэрэ, салайааччы Неустроева Христина Михайловна уонна чабырҕах күрэҕин кыайыылаахтарынан “Кылаан чыпчаал” үрдүк аатын “Тоойуом” бөлөх, “Сулусчаан” дьыссаат, салайааччы Габышева Любовь Дмитриевна буоллулар.

«Норуотум төрүт үгэһэ» уруһуй куонкуруһун сыала-соруга: оҕолорго төрүт үгэстэри, өбүгэлэрбит дьарыктарын, олохторун билиһиннэрии, оҕо айар, ойуулаан көрөр дьоҕура, уруһуйдуур сатабыла сайдарыгар кыах биэрии, төрөөбүт норуотунан киэн туттарга иитии. Дьүүллүүр сүбэҕэ Малышев Иван Иванович, Парфенов Гаврил Васильевич, Гуринова Анна Ильинична үлэлээтилэр, оҕо улахан киһи көмөтө суох бэйэтэ уруһуйдаабытын, толоруу техникатын, теманы арыйыытын, уруһуй уратытын икки бөлөххө (4-5 саастаах, 6-7 саастаах) арааран сыаналаатылар. Түмүккэ, 4-5 саастаахтарга, үһүс истиэпэннээх дипломант аатын Капитонов Андреян, Уолба “Кэнчээри” дьыссаат, салайааччы Тарасова Анна Павловна, иккис истиэпэннээх дипломант аатын Максимов Вадим, Туора Күөл “Кэскил” дьыссаат, салайааччы Захарова А.Н., бастакы истиэпэннээх дипломант Филиппов Миша, “Сулусчаан” дьыссаат, салайааччы Дьяконова Татьяна Спартаковна тигистилэр. Үһүс истиэпэннээх лауреат аатын Рахлеев Арылхан, Уолба “Кэнчээри” дьыссаат, салайааччы Карбаканова Екатерина Гаврильевна, иккис истиэпэннээх лауреат аатын Мосоркин Дамир, Чөркөөх “Аленушка” дьыссаат, салайааччы Петрова М.М., бастакы истиэпэннээх лаурет аатын Сыромятников Реас, “Сулусчаан” дьыссаат, салайааччы Дьяконова Татьяна Спартаковна буоллулар.
6-7 саастаах уолаттарга үһүс истиэпэннээх дипломант аатын Бабанов Жора Уолба “Кэнчээри”, салайааччы Тарасова Анна Павловна, иккис истиэпэннээх Сысолятин Алеша, Ытык Күөл “Кэнчээри”, салайааччы Неустроева Христина Михайловна, бастакы истиэпэннээх дипломант аатын Дьяконов Ваня Уолба “Кэнчээри” дьыссаат, салайааччы Бочурова Ньургустана Степановна тигистилэр. Үһүс истиэпэннээх лауреат аатын Захаров Ян, Даайа-Амма “Сардаана” дьыссаат, салайааччы Прохорова С.С., иккис истиэпэннээх лауреат аатын Татаринов Кирилл, Боробул “Мичил” дьыссаат, салайааччы Наумова А И бастакы истиэпэннээх лаурет аатын Репин Илья, “Солнышко” дьыссаат, салайааччы Попова Валентина Викторовна тигистилэр.
Бары кыттааччыларбытыгар, салайааччыларга барҕа махталбытын тиэрдэбит!