Ахсынньы ыйга  «Сулусчаан»  уһуйааҥҥа  олонхо  хоһугар  «Саха олоҕо дьаһаҕа” диэн темаҕа тэрээһиннэр буоллулар.  Тэрийэн ыытта иитээччи Колодезникова Э З.

Олонхо хоһугар  саха олоҕо-дьаһаҕа диэн темаҕа оскуолаҕа киириэн иннинээҕи ,  икки улахан, кылгас болдьохтоох  бөлөх  оҕолоругар бэсиэдэлэр, оонньуулар буоллулар.

Үтүө күнүнэн, оҕолор. Билэҕит дуо биһиги ханнык омуктар буоларбытын?

Сахалар буолабыт. Биһиги туспа тыллаах-өстөөх, таҥастаах-саптаах, туттар тэриллээх, аһыыр  астаах омуктар буолабыт.

Былыргы дьыллар мындааларыгар

Урукку дьыллар ула5ыларыгар

Тыйыс тымныы дойдулаах

Саха диэн ааттаах омук

Төрөөн үөскээн олорбута эбитэ  үһү.

Дьэ эрэ оҕолор, бу саха омуга  хайдах  олохтонон-дьаһахтанан ,тугу үлэлээн хамнаан,  тымныыны тулуйан, олорбутун туһунан кэпсэтэн, аҥааран көрүөҕүҥ.

Саха олоҕун  дьаһаҕын билиһиннэриигэ “Тиэргэн “ диэн макеты көрдүлэр, малларын тутан хабан оонньоон үөрдүлэр-көттүлэр.. Билбэт малларын тула кэпсэтии, билэр малларын ханна көрбүттэрин, туохха туттуллалларын сэһэргээтилэр. Саха ыала биир күннээх олоҕун дьаҕаһын оонньоон көрдүбүт. Макет дьоннору сыарҕаҕа олордон хаамтаран , оонньоон көрдүлэр,олуһун диэн сэҥээрдилэр.

Сарсыарда эрдэ туран дьиэлээх хаһаайка ынаҕын ыы тахсар. Туос ыаҕыйа ылан , талах олоппоско олорон ынахтарын ыыр. Үүттэрин киллэрэн үгэххэ уурар. Төгүрүк мас остуолга олорон аһыыллар.  Ыал аҕата таһырдьа тахсан мас хайытар. Онтон атын көлүнэн сыарҕаҕа олорон куйуурдуу барар. Тымтайга балык аҕалан дьонун үөрдэр.  Убайдара таһынааҕы алааска баар ыалга атынан хаһаанка сыарҕаҕа олорон айанныыр. Атынан айанныыр, аты үлэҕэ-хамнаска туттар,  ынаҕы көрүү-истии , миэлиҥсэҕэ күннээҕи  сиир туорах бурдуктарын тардынаннар лэппиэскэ буһаран сииллэр. саха ыалын күннээҕи олоҕо буоларын өйдөөтүлэр.

Былыргы дьыллар мындааларыгар

Урукку дьыллар ула5ыларыгар

Тыйыс тымныы дойдулаах

Саха диэн ааттаах омук

Ити курдук олохтонон- дьаһахтанан

Олорбутун биллибит.