Өрөспүүбүлүкэтээҕи үөрэх үлэһиттэрин олунньутааҕы сүбэ мунньаҕар Малая академия наук “Сулусчаан” дьыссаакка  “Лучший среди образовательных организаций республиканского проекта “Шахматы — детям”  за 2016 год” номинация туттарда.

2013-14 сылларга кыра оҕолорго саахыматы үөрэтии куруһуок быһыытынан саҕаламмыта. Бу мындыр, уустук ооннььуу туһунан оҕо бастакы өйдөбүлү төрөөбүт тылынан билсиэхтээх диэн санааттан сахалыы программа оҥоһуллубута. Программа сүрүннээн Россия, Аан дойду биллиилээх саахымакка уһуйааччыта И.Г.Сухин үөрэтэр ньыматыгар, методикатыгар олоҕурбута. Саахыматы үөрэтиигэ сахалыы программа суох, литература соҕотох Панов В.Н. “Саахыматчыт бастакы кинигэтэ” эрэ баар.

2014-15 үөрэх сылыгар дьыссаат оҕотун барытын хабар сыалтан оҥоһуллубут куруһуок программатыгар олоҕуран кыра бөлөхтөн (3 саастаахтар) саҕалаан иитээччилэр программа оҥостон үлэ саҕаламмыта.Оҕо сааһын учуоттаан араас дидактическай көрдөрөр матырыйааллары туһанан саахымат садаачаларын суоттатабыт, викторина, олимпиада ыытыллар.

Саахымакка үрдүк категориялаах С.С.Соров ыытар семинарыгар, маастар-кылааһыгар иитээччилэр бары уонна  И.Г. Сухин үөрэтэр курстарыгар 6 иитээччи  үөрэммиттэрэ. Иитээччилэр икки ардыларыгар викториналар, турнирдар ыытыллаллар.

2015 сылтан өрөспүүбүлүкэтээҕи “Раннее приобщение детей шахматам и шашкам”  проект ситимигэр базовай дьыссаат буолбуппут. Бу ситимҥэ Дьокуускай куорат “Надежда”, Хаҥалас улууһун Чапаево бөһүөлэк “Мичээр” дьыссааттара киирэллэр. Научнай салайааччы — Троева Л.Д.

2016 сыл муус устар ыйыгар биһиги дьыссаат базатыгар “Раннее приобщение детей шахматам ”  өрөспүүбүлүкэтээҕи авторскай  семинар-практикум ыытыллыбыта.

Өрөспүүбүлүкэтээҕи педагогическай ярмаркаҕа “Мобильная школа для педагогов по проекту “Шахматы -детям” ыыппыппыт.

Өрөспүүбүлүкэтээҕи “Ленскэй образовательнай форумҥа” уонна «Использование новых технологий обучения в ДОУ, как условие развития детской одаренности»  семинардарга саахымакка үлэбит уопутун тарҕаппыппыт.

Сылын аайы дьыссаат үрдүнэн “Саахымат нэдиэлэтэ” тэриллэр:

  • Төрөппүккэ анкета
  • Викториналар
  • Турнирдар
  • Оҥоһук быыстапкалара
  • Хоһоон, остуоруйа айыыга куонкурустар
  • Оҕолорго олимпиада.

Сайын оҕолорго “Саахымат – алаптаах оонньуу” лааҕыр үлэлэтэбит:

  • 2014с. – нэһилиэк иһинэн 15 оҕо
  • 2015 с. – улуус иһинэн 15 оҕо
  • 2016с. – өрөспүүбүлүкэтээҕи, 2 бөлөҕүнэн 30 оҕо: саҥа саҕалааччылар, сатыыр оҕолор.

Сылын аайы улуус баһылыгын бирииһигэр оҕолорго саахымат күрэхтэһиитин тэрийэбит. Элбэх оҕону хабар сыалтан кыттааччы оҕо ахсаанын хааччахтаабаппыт. Сылын аайы кыттар дьыссаат, оҕо ахсаана элбээн иһэр:

  • 2014 с. – 6 дьыссааттан 13 оҕо
  • 2015с. – 9 дьыссааттан 19 оҕо:14 уол, 5 кыыс
  • 2016 с. – 11 дьыссааттан 27 оҕо:19 уол, 8 кыыс.

Куруһуокка дьарыктаммыт оҕолор араас таһымнаах күрэхтэһиилэргэ ситиһиилээхтик кытталлар:

  • улуустааҕы турнирдар — Аржакова Вика — I миэстэ, Аржакова Аня — I миэстэ, Сторожев Миша — III миэстэ, Бурцева Валерия -II миэстэ, Алексеев Юриан —  III миэстэ;
  • өрөспүүбүлүкэтээҕи И.Г. Сухин олимпиадалар – Бурцева Валерия — I миэстэ,  Аржакова Аня — I миэстэ, Тарабукин Егор — II миэстэ;
  • өрөспүүбүлүкэтээҕи “Интеллектуальное будущее Якутии” фестиваллар — Аржакова Вика — I миэстэ “Принцесса шахматного королевства”, Бурцева Валерия — I миэстэ “Принцесса шахматного королевства”,   I миэстэ “Шахматная олимпиада” , III  миэстэ “Шахматный турнир”,  Игнатьев Алеша —  II  миэстэ “Шахматная олимпиада”,  III  миэстэ турнир ДИП «Сонор», II  миэстэ “Триатлон  (шахматы,шашки, ДИП « Сонор»).

 

Оҕолорбут саахымат оонньуутунан оскуолаҕа  салгыы дьарыктаналларын кэтээн көрөбүт, тренер Попов А.И. кытары ыкса ситимнээхтик үлэлиибит. Билигин Вика Аржакова 2 кылааска ситиһиилээхтик үөрэнэр, өрөспүүбүлүкэтээҕи күрэххэ 2 миэстэ буолла, Бурцева Валерия  Дьокуускай куоракка үөрэнэр, А.Е.Карпов аатынан саахымат оскуолатыгар  тренер Килбиэнэп Тускул Доломовичка ситиһиилээхтик  дьарыктанар.

Үлэбит түмүгүн ырытан көрдөххө кыра оҕо саахымат уустук оонньуутун тиһигин быспакка төрөппүт, иитээччи ситимнээхтик үлэлээтэхтэринэ ылынар, сөбүлээн дьарыктанар, сайдар эбит.

 

Картузова Мария Егоровна,

“Саахымат – алыптаах оонньуу” куруһуок салайааччыта,

РФ норуотун үөрэҕириитин туйгуна,

СӨ үөрэҕириитин бочуоттаах ветерана,

дуобат оонньуутугар мастерга кандидат