Олунньу 21 күнүгэр,  оҕо спортивнай оскуолатыгар (ДЮСШ), Таатта улууһун нэһилиэктэрин детсадтарын иһинэн «Кырачаан боотурдар оонньуулара» спортивнай күрэх буолан ааста.

Тэрээһин сыала-соруга: уол оҕоҕо тулууру, дьулууру иитии, оҕо сымса, түргэн, күүстээх буоларын сайыннарыы, талааннаах оҕолору арыйыы.

Күрэхтэһиигэ 6-7 саастаах уолаттар кытыннылар. Уопсайа  12 уол кытыыны ыллылар. Уолаттар биэс күрүҥҥэ күрэхтэстилэр: сүүрүү 20м, атах оонньуута «Куобах» (3 тохтоло суох куобахтааһын), мас тардыһыы, хапсаҕай, өбүгэ оонньуута «Ойбонтон уулааһын». Көрүҥ аайы оҕо спортивнай оскуолатын тренердара  судьуйаалаатылар.

«Кырачаан боотурдар оонньуулара» спортивнай күрэх 5 көрүҥ түмүгүнэн таҕыста. Ол курдук:  1миэстэ – Неустроев Эдгар (Уус-Таатта, «Харыйачаан» детсад иитиллээччитэ), 2 миэстэ – Аввакумов Дьулус (Чөркөөх, «Аленушка» детсад иитиллээччитэ), 3 миэстэ – Черкашин Саша (Ытык-Күөл, «Березка» детсад иитиллээччитэ) уонна «Кыайыыга дьулуур» анал аат тигистэ Егоров Дима (Ытык-Күөл, «Кэнчээри» детсад иитиллээччитэ).