Алтынньы ый 12 күнүгэр Хотой Айыы ыйыгар айылҕа киһини, дьону — сэргэни , ийэ сиргин кытта сөпкө алтыс диэн айылҕа анаабыт күнэ буолар. Бу кэмҥэ боотурдар мустаннар Хотой айыыга сүгүрүйэр туому толорон күөн көрсөллөр, күрэс былдьаһаллар.

Хотой Айыы сүрүн туома:

Омугу холбуур

Саханы тэрийэр,

Илии тутуу диэн.

Түмсүү сомоҕолоһуу, ил-эйэ, дьулуур — тулуур, күүстээх санаа сырдык кэрэһитэ, түмсүүнү төрүттээччи, тэрээһини ситэрээччи, Тоҕус Холбооһуннаах, Хотой Айыы ыйыгар   улахан, бэлэмнэнии бөлөхтөрүн уолаттара «Уол о5о барахсан — Дьоһун уол»  диэн уол о5ону тобуллаҕас өйдөөх, харыстыыр, көмүскэс дууһалаах, кыайыгас — хотугас, түмсүүлээх буоларга үөрэнэргэ, иитиллэргэ анаан аралдьыйыы киэһэтин музыкаҕа уһуйааччы Галина Нюргустановна, хореограф Светлана Владимировна, физрук Амгалена Федоровна, фольклорист Любовь Дмитриевна алтыһаннар тэрээһиннээхтик ыыттылар. 

Уолаттар чабырҕахтаан, Саха дьонугар көҥүлү, сайдыыны аҕалбыт, баай батталыттан босхолообут, сүдү суолталаах Улуу Өктөөп 100 сылыгар анаан П.А Ойуунускай илбистээх, үөтүүлээх хоһооннорун уустаан — ураннаан аахтылар, ырыа ыллаатылар, үҥкүүлээтилэр, өбүгэ оонньууларын оонньоотулар. Түмүккэ кыргыттар чабырҕахтаан, Амелия Егорова олоҥхолоон эҕэрдэлээтилэр, уолаттарга өйдөбүнньүк мэтээл туттарылынна.