Ааспыт нэдиэлэҕэ тохсунньу 22 — 26 күннэригэр  “Олоҥхо”  нэдиэлэтин чэрчитинэн  улахан бөлөххө араас выставкалар, олоҥхону истии, остуол оонньуулара ыытылыннылар. Остуол оонньуутун  куруһуогун  ыытааччы, иитэччи көмөлөһөөччүтүнэн үлэлиир, Светлана Васильевна  “Тыксаан”, “Тырыыҥка” оонньуулары оҕолорго билиһиннэрдэ уонна нэдиэлэ бүтүүтэ күрэхтэһиннэрдэ. “Хабылык” оонньууну билиһиннэрдэ иитээччи көмөлөһөөччүтэ Наталья Васильевна, нэдиэлэ бүтүүтүгэр күрэхтэһиннэрдэ. Оҕолорго кэлэн улахан кылаас  оҕото фольклор куруһуок үөрэнээччитэ Гладкина Күннэй олоҥхоттон быһа тардыыны “Туйаарыма Куо” тылын куолаан аахта. Күннэй тылын-өһүн, ырыатын оҕолор сөҕө-махтайа иһиттилэр. Ону таһынан  выставкаҕа төрөппүттэр араас матырыйаалынан оҥоһук оҥорон аҕалан дьон сэргэ сүргэтин көтөхтүлэр.