Тохсунньу ый бүтэһик нэдиэлэтигэр N:2 бэлэмнэнии бөлөххө  Олоҥхо нэдиэлэтэ бэрт сэргэхтик ыытылынна. Бу тэрээһин улуу суруйааччыбыт П.А.Ойуунускай төрөөбүтэ 125 сылыгар ананна. Манна оҕолорго, төрөппүттэргэ анаан араас тэрээһиннэр, күрэхтэр күн аайы ыытылыннылар. Ол курдук олоҥхо геройдарын оҥорууга уран тарбахтаах ийэлэрбит араас куукулалары, остуол оонньууларын, паннолары оҥорон быыстапкалаатыбыт, остуол оонньууларыгар күөн көрүстүбүт,  төрөппүттэр икки ардыларыгар уус-уран ааҕыы буолла.  П.А.Ойуунускай “Көҥүл ырыата” хоһоонун уолаттарбыт Алеша Герасимов, Арылхан Саввин, Артем Данилов ааҕан иһитиннэрдилэр. Төрөппүппүт Юлия Юрьевна, иитээччи көмөлөһөөччүтэ Наталья Васильевна, иитээччибит Марфа Михайловна «Дьулуруйар Ньургун Боотур» олоҥхоттон быһа тардан толордулар. Нэһилиэкпит иһинэн тэриллибит олоҥхону толорооччулар бөлөхтөрүттэн Евдокия Васильевна Бочурова олоҥхолоон иһитиннэрдэ. Кыттыбыттар бары туоһу сурук тутан үөрдүбүт