Кулун тутар 15-16 күннэригэр «Сыл бастыҥ иитээччитэ-2018» улуустааҕы күрэх үрдүк таһымнаахтык буолан ааста. Күрэххэ улуус араас уһуйааннарыттан барыта 12 иитээччи кыттыыны ылла. Иитээччилэр бары солун, интириэһинэй дьарыктары ыыттылар, көрөөччү биһирэбиллэрин ыллылар. Күрэх чэрчитинэн  УУО актовай саалатыгар «Сүрэхпит сылааһын оҕолорго» диэн мастер-класс буолан ааста. Иитээччилэр манна оҥорбут оҥоһуктарын «Эрэл» реабилитационнай Киин о5олоругар бэлэх уунуохтара. Күрэх иккис күнүгэр финалга тахсыбыт 6 иитээччи мастер-класс ыытан көрдөрдүлэр, ток-шоуга кыттыыны ыллылар.

Күрэх түмүгүнэн биһиги иитээччибит Павлова Лена Семеновна дипломант ll степени үрдүк аатын ылла.